Jy en jou rekenaar

Vermy verkeerde rekenaar besluiteOns almal benodig deesdae ‘n rekenaar om ons werk of skoolwerk te doen. Ons gebruik ons rekenaars om e-pos te stuur en ontvang, foto’s en video’s te verwerk, stoor en te kyk en nog vele meer. Die groot vraag is dus watter rekenaar is die regte koop vir jou of jou kind. Die antwoord op daardie vraag gaan vir elke persoon verskil en ek kan jou maar net help om aan ‘n paar goed te dink voor jy ‘n rekenaar aankoop.

Bepaal voor jy koop eers hoeveel jy op ‘n rekenaar kan of wil spandeer. Ons kan rekenaars aankoop van omtrent R6500 tot meer as R65 000. Bepaal dus eers wat jy kan bekostig en soek ‘n rekenaar in daardie prysklas. Wees dus realisties, indien jy 'n goedkoop rekenaar koop sal daar dinge aan die kwaliteit van die materiaal en werking van komponente wees wat jjou werkvloei kan beïnvloed.

Die meeste mense kyk altyd dadelik na die spesifikasies. Daar word veralgemeen en gesê hoe meer geheue (RAM) of hoe groter die hardeskyf is hoe beter. Ongelukkig, is dit nie so eenvoudig nie. Ek sal enige dag ‘n kleiner hardeskyf neem as ek ‘n vinniger SSD hardeskyf kan kry bo ‘n gewone stadige hardeskyf. Jy sal ook baie minder geheue RAM benodig as jy gebruik maak van ‘n Mac as ‘n Windows rekenaar. Die verwerker van die rekenaar speel ook 'n baie groot rol. Moenie 'n rekenaar koop met 'n i3 verwerker as jy dit gaan gebruik om inhoud te skep met woordverwerkers, foto verwerking of video verwerking nie. Ky ten minste na 'n i5 of i7 as jy 'n windows rekenaar gaan koop. Enige Mac sal hierdie take met gemak hanteer.

Dit maak nie saak watter bedryfstelsel jy verkies nie. Die meeste mense gebruik Windows want dit is al wat hulle ken. Ek maak ‘n punt daarvan om gereeld met verskillende bedryfstelsels te eksperimenteer. Dit is nie altyd vir ander mense moontlik nie. Maar die feit dat ek gereeld met MacOS, Windows en verskeie Linux variante speel maak dat ek bewus is wat die beste in my werkvloei inpas. Bepaal hoe jou werkvloei is en water programme jy benodig om daardie werkvloei so effektief as moontlik te kan doen. Die meeste programme wat beskikbaar is vir Windows is ook beskikbaar vir MacOS en jy kan selfs Windows op jou Mac laai indien jy jou vasloop in iets wat jy benodig wat nie ‘n Mac weergawe het nie. Jy kan egter nie Mac programme op jou windows rekenaar laai nie.

Goeie antivirussagteware is nie eens onderhandelbaar nie. Die eerste ding wat jy moet doen wanneer jy ‘n nuwe rekenaar kry is om goeie antivirus sagteware op die rekenaar te laai. Jy moet nooit gebruik maak van gratis antivirus sagteware nie. Ek het al meer virus en malware skade probeer herstel op mense se rekenaar wat van gratis antivirussagteware gebruik maak as rekenaars met geen antivirus sagte ware. Daar is baie anti virus sagte ware en ek lees maar gereeld artikels oor die onderwerp en kyk gereeld wat word beskou as die top 5. Ek persoonlik gebruik Kaspersky sagteware maar koop TrendMicro aan vir die skool.

Wanneer jy gebruik maak van ‘n program of webwerf wat van ‘n gebruikersnaam en wagwoord gebruik maak moet jy seker maak dat elke program of webwerf se gebruikersnaam en wagwoord uniek is. Elke gebruikersnaam en wagwoord moet ook aan streng vereistes voldoen. Ek het ‘n hele artikel oor hierdie onderwerp geskryf en stel voor dat jy die artikel lees.

Webwerwe

WebwerweDie internet is ‘n wonderlike plek wat vir alle mense ‘n omgewing skep war hulle oor enige onderwerp inligting kan laai of handel kan dryf. Dit is ook die internet se ondergang. Jy moet baie seker maak dat die webwerwe wat jy besoek wel is wie jy dink dit is, wel doen wat jy dink dit doen en jou inligting veilig berg en vernietig wanneer hulle dit nie meer benodig nie. Webblaaie wat besoek word is baie keer die bron van inligting wat onwettig versprei word, malware en virus sagteware wat onwetend op rekenaars gelaai word en nog vele ander gevare. Gebruik die internet versigtig.

Programme

Het jy al gewonder hoekom jou rekenaar of foon na ‘n tyd al stadiger begin werk en allerhande probleme begin gee. ‘n Groot oorsaak is die programme op jou rekenaar. Dit is hoekom daar normaalweg slegs een persoon in ‘n maatskappy is wat programme mag installeer op almal se rekenaars. Die meeste programme word deesdae van die internet afgelaai. Baie van die programme kom nie van die oorspronklike bronne af nie en in die installasie proses kan daar ander programme bygevoeg of kode in die programkode bygevoeg word wat skade kan aanrig aan jou rekenaar of inligting op jou rekenaar kan inwin. Baie mense sê daar is niks op hulle rekenaar wat van waarde vir iemand sal wees nie maar hulle besef nie altyd, indien iemand die sleutels wat jy druk as jy ou bank se gebruikersnaam en wagwoord inlees kan herwin kan hulle enige iets in jou bankrekening doen. Indien iemand jou gebruikersnaam en wagwoord vir jou e-pos kry kan hulle e-pos stuur aan almal in jou kontakte en hulle voordoen as jy. Wees versigtig as jy programme installeer. Verwyder ook programme van jou rekenaar wat jy nie gebruik nie. Baie van hierdie programme gebruik spasie en geheue op jou rekenaar wat sal maak dat jou rekenaar beter sal funksioneer as jy dit verwyder. Ek laai net die programme wat ek benodig op my rekenaar en verwyder alle ekstra programme selfs die wat deur die vervaardiger gelaai was. 

Kwaliteit

Die kwaliteit van die materiale waarmee die rekenaar vervaardig word speel ook ‘n groot rol. Die meeste goedkoop rekenaars is van goedkoop materiale en komponente vervaardig. So ‘n rekenaar gaan jou frustreer wanneer komponente nie reg werk nie. Die rekenaar sal ook makliker fisies breek aangesien die plastiek omhulsel en die raam binne in baie swak vervaardig is. Hierdie rekenaars breek gewoonlik by hul skarniere waar die skerm opmaak. Ek het al baie die argument gehoor dat mense sê hulle koop goedkoop rekenaars aangesien hulle behoeftes net iets is wat moet e-pos kan hanteer en moontlik MS Word dokumente kan opstel. Dit is ook gewoonlik hierdie gebruikers wat nie baie rekenaar vaardig is nie. Ek sal juis voorstel dat iemand wat nie homself kan help as dinge verkeerd gaan nie moet ‘n meer betroubare rekenaar hê wat ook van beter kwaliteit materiaal en komponente vervaardig is.

Waarborg

Die meeste skootrekenaars begin probleme gee na omtrent drie jaar. Beplan indien dit vir jou moontlik is om jou rekenaar elke drie jaar te vervang. Dit is nie vir almal moontlik nie maar indien jy dit kan doen kan jy jou vervaardiger waarborg by die beter handelsmerke verleng vir die drie jaar tydperk. Ek koop gereeld vir mense rekenaars aan en doen dit altyd. Dit beteken dat gedurende die tydperk wat jy die rekenaar gaan gebruik hy altyd deur die vervaardiger se goedgekeurde tegnikus herstel sal word met goedgekeurde parte.

Versorging

Maak jou rekenaar gereeld skoon met goedgekeurde rekenaar skoonmaakmiddels. Dit is beskikbaar by enige rekenaar winkel. Moenie huishoudelike skoonmaakmiddels gebruik nie. Huishoudelike skoonmaakmiddels bevat chemikalieë wat die materiaal sal verkleur en die skerm sal beskadig. Indien jy nie die regte skoonmaakmiddels het nie dan stel ek voor dat jy ‘n lint vrye sagte handdoek effens klam maak en die rekenaar net daarmee afvee.

Hantering

Ek gaan nou die onpopulêre ding sê: Die meeste rekenaar probleme word deur die gebruiker van die rekenaar self veroorsaak. Goedkoper rekenaars sal egter makliker beskadig word as duurder rekenaars wat van beter kwaliteit materiaal vervaardig word. ‘n Paar goed wat ek elke dag waarneem en waarvoor jy kan let is die volgende.Moets en moenies

  • Moenie met jou rekenaar rondloop as die skerm oop is nie. Veral as jou rekenaar ‘n rekenaar is met ‘n plastiek omhulsel. Hierdie rekenaars het ‘n raam van baie dun plaat binne die plastiek waaraan die komponente en skarniere gevoeg word. Elke tree wat jy gee is daar beweging a.g.v. die gewig van die oop skerm op die skarniere en die raam. Die skarniere, raam of self die moederbord wat aan die komponente met skroefies geheg word kan buig, breek of kraak. ‘n Moederbord met haarlyn krakies kan veroorsaak dat jou rekenaar soms werk en soms self afgaan of foutboodskappe gee. Jy sal dit veral agterkom as dit effens koeler is. Op kouer dae sal jy meer probleme ervaar as wanneer dit bietjie warmer is.
  • Moenie rou rekenaar afskakel wanneer die rekenaar besig is met ‘n “update” nie. Microsoft skep soms vir ons groot frustrasies wanneer dit ons dwing om eers ‘n update af te handel voor ons die rekenaar kan afskakel. Indien jy die update onderbreek kan daar probleme met die sagteware of die bedryfstelsel intree. Dit kan program foute veroorsaak en foutboodskappe gee wanneer programme gebruik word
  • Lees die instruksies op die skerm. Die meeste program probleme waar ek gebruikers moet help vind ek dat die program werk presies soos dit moet werk. Die gebruiker het eenvoudig nie die instruksies op die skerm gelees nie of dit nie reg verstaan nie en het toe die verkeerde keuses uitgevoer. MS Teams is ‘n goeie voorbeeld hiervan. Wanneer jy die eerste keer inteken met jou gebruikersnaam en wagwoord kom daar ‘n skerm op wat vir jou sê dat Microsoft benodig addisionele inligting. Die meeste mense maak die skerm net toe en gaan voort. Indien jy die inligting verskaf sou jy self jou gebruikersnaam en wagwoord kon herwin of verander indien nodig. Indien jy dit net toemaak sal jy altyd vir die “administrator” moet kontak om jou hiermee te help. Dit is nie die program of die administrator se fout nie.

Beste praktyke vir wagwoorde

Jy het wagwoorde vir alles: Jou toestelle, jou rekeninge (bv. Bankdienste, sosiale media en e-pos) en die webwerwe wat jy besoek. Deur wagwoordfrases of sterk wagwoorde te gebruik, kan jy jou toestelle en inligting beskerm. Lees die onderstaande wenke om te leer hoe jy jou wagwoorde kan skep, jou wagwoorde kan versterk en hoe jy algemene foute kan vermy wat jou inligting in gevaar kan stel. 

Vir wagwoorde beveel ek aan dat jy minstens 12 karakters gebruik. Onthou dat webwerwe en toepassings verskillende reëls vir die skep van wagwoorde het wat jy moet volg (d.w.s. die letters, syfers, leestekens en spesiale karakters wat 'n wagwoord moet en nie mag bevat nie). Dit beïnvloed jou vermoë om my aanbevole leiding te volg.

Gebruik wagwoordfrases

Ek beveel aan dat jy wagwoordfrases gebruik, want dit is langer, maar makliker om te onthou as 'n wagwoord van willekeurige, gemengde karakters. 'n Wagwoordfrase is 'n uitdrukking uit die geheue wat bestaan uit 'n reeks gemengde woorde met of sonder spasies. Jou wagwoordfrase moet minstens 4 woorde en 15 karakters lank wees. Jy kan byvoorbeeld 'n wagwoordfrase skep deur assosiasie-tegnieke te gebruik, soos om 'n kamer in u huis te skandeer en 'n wagwoordfrase te skep wat woorde gebruik om te beskryf wat jy sien (bv. 'Lessenaar Lamp Rekenaar Mikrofoon).billionphotos-1628569 My Klas - klasbestuur en e-Leer stelsel - Rekenaar en tegnologie nuus

Beskerm wagwoordfrases en wagwoorde

Oneerlike mense gebruik die internet en stuur Uitvissingaanvalle (phishing-e-posse) om jou te mislei om jou persoonlike inligting te gee. In sommige gevalle installeer hulle “malware” soos 'n “keylogger”. As 'n “keylogger” op jou toestel geïnstalleer is, kan 'n persoon dit gebruik om die sleutels wat gedruk word op jou sleutelbord vas te lê wanneer jy jou wagwoordfrases en wagwoorde invoer. Uitvissingaanvalle kom algemeen voor, maar jy kan jou beskerm deur kwaadwillige e-posboodskappe raak te sien en anti-malware sagteware op jou toestelle te installeer. Hierdie e-posse is gewoonlik so geskryf om jou te mislei en uit te lok om daarop te klik. Indien jy ‘n e-pos ontvang vanaf ‘n onbekende afsender moet jy dit verkieslik nie oopmaak nie. Probeer eers vasstel wie het dit gestuur, veral as daar ‘n aanhegsel by is.

Skep ingewikkelde wagwoorde

Gebruik 'n wagwoord wat so ingewikkeld as moontlik is as jy nie 'n wagwoordfrase kan gebruik nie (bv. 'n webwerf vereis dat u wagwoord minder as 15 karakters bevat). 'n Wagwoord wat bestaan uit klein en hoofletters, sowel as syfers en spesiale karakters, is ingewikkelder as 'n wagwoord met slegs kleinletters. Moet nooit dieselfde wagwoord vir verskillende webblaaie en toepassings gebruik nie. Verander ook ou wagwoord van tyd tot tyd. Elke ses maande of wanneer jy dink die wagwoord kon dalk uitgelek het.

Jy kan ook 'n frase uitdink en dan die eerste letters van elke woord gebruik om 'n ingewikkelde wagwoord te skep wat onvergeetlik is. Die frase, "My honde is Lullu en Bella!" kan gebruik word om die wagwoord, "MhiLeB!", te onthou.

Gebruik wagwoordkodes of PINS

'n Wagwoordkode of PIN is 'n reeks getalle wat minstens 4 syfers bevat. Wagwoordkodes gebruik minstens 4 syfers omdat daar ander beskermingsmeganismes bestaan om jou toestel of rekening te beskerm. Om bv. toegang tot jou bankrekening te kry, moet 'n persoon jou PIN of wagwoord ken en fisiese toegang tot jou bankkaart hê. ‘n PIN moet in kombinasie van ‘n ander berskermingmeganisme gebruik word. Op rekenaars werk ‘n PIN gewoonlik saam met 2-faktor-verifikasie.

Tweefaktor-verifikasie

Tweefaktor-verifikasie versterk jou toestel- en rekeningveiligheid. Twee-faktor (of multi-faktor) verifikasie maak rekeninge veiliger deur ten minste twee verifikasie-items te vereis, soos iets wat jy weet en iets wat jy het, (bv. 'n wagwoord en 'n antwoord op ‘n vraag, 'n wagwoord en 'n vingerafdruk) om aan te meld. As jy tweefaktor-verifikasie gebruik, kan jy 'n wagwoord van 6 tot 8 karakters gebruik, omdat die ekstra verifikasie nog 'n laag beskerming bied.

Nie alle tweefaktoroplossings is ewe goed nie - maar dit sal jou algehele kuberveiligheid verbeter. Die skool moet ‘n gebruikersverifikasiebeleid hê wat jou veiligheid en bruikbaarheid balanseer.

Beskerm wagwoordfrases, wagwoorde en PIN's

Wagwoordfrases, ingewikkelde wagwoorde en PIN's moet hanteer en versigtig geberg word sodat dit nie in die gedrang kom nie. Hou die volgende wenke in gedagte:

  • Wees bewus van jou omgewing wanneer jy wagwoordfrases, wagwoorde of PIN's in die openbaar invoer
  • Gebruik 'n ander wagwoord, wagwoordfrase of PIN vir elke toestel en rekening, veral vir rekeninge met sensitiewe inligting (Teams, Principal-Primary, jou bank, ens)
  • Moenie wagwoordfrases, wagwoorde of PIN's aanlyn of per telefoon gee nie
  • Moenie wagwoordfrases, wagwoorde of PIN's met ander, selfs familie of kolegas, deel nie
  • Teken af en teken uit op rekeninge en webwerwe as jy dit klaar gebruik
  • Verseker dat jou sensitiewe rekeninge (bv. Bankdienste, d6, Teams, ens.) beskerm word deur die sterkste wagwoordfrases of wagwoord moontlik te gebruik

Vermy algemene wagwoordfoute

As dit korrek geskep en beskerm word, is wagwoorde, wagwoordfrases of PIN's 'n effektiewe manier om jou toestelle, rekeninge en inligting te beskerm. Hier is 'n paar voorbeelde van algemene foute om te vermy:

  • Moenie wagwoordfrases, wagwoorde of PIN's (soos 'wagwoord', 'laat my binnekom', '1234', "password", ens.) gebruik wat maklik geraai kan word nie, selfs al bevat dit karaktervervangings (bv. P@ssword)
  • Moenie algemene uitdrukkings, liedjies of lirieke, filmtitels of aanhalings gebruik nie
  • Moenie u persoonlike besonderhede gebruik nie (bv. Verjaardag, tuisdorp, troeteldier se naam, ens.)

Ken die redenasie agter die reëls

Die reëls rondom die skep van wagwoordfrases en wagwoorde bestaan ​​om 'n rede. As jy nie versigtig is om voorsorg te tref met jou wagwoordfrases en wagwoorde nie, kan oneerlike billionphotos-2445681 My Klas - klasbestuur en e-Leer stelsel - Rekenaar en tegnologie nuusmense kies uit 'n steeds groeiende lys metodes om by jou toestelle en rekeninge in te breek en toegang tot jou inligting te kry. Baie van hierdie metodes gebruik 'n ‘wagwoordhash’, wat 'n gekodeerde weergawe van u wagwoord vir duidelike teks is. Die hash word gereeld gebruik om jou wagwoorde op programme en webwerwe te verifieer.

Oneerlike mense kan die volgende metodes gebruik: 

  • "Brute force" is 'n metode van probeer tot hulle inkom; alle algemene wagwoorde word ingevoer totdat een werk. Hierdie metode gebruik gewoonlik rekenaar programme met tabelle vir wagwoordboeke. Hierdie inligting word dan die een na die ander ingevoer tot hulle toegang kry
  • "Rainbow-tabelle" is vooraf saamgestelde lyste van wagwoordkombinasies. Dit word gebruik om 'n bekende “hash” aan te pas by 'n wagwoord wat toegang tot 'n rekening verleen.

Korter wagwoorde is baie makliker om te raai. As jy lang wagwoordfrases of meer ingewikkelde wagwoorde gebruik, kan jy dit moeilik maak vir oneerlike mense wat dreig om by jou toestelle en rekeninge in te breek.

Wagwoordbestuurders

As jy oorweldig voel deur die aantal wagwoorde wat jy het, kan jy 'n wagwoordbestuurder gebruik om vir jou vele wagwoorde te genereer en te onthou. Oorweeg die volgende wenke om die wagwoorde wat by 'n wagwoordbestuurder gestoor is, te beskerm: 

  • Gebruik dit om wagwoorde vir jou rekeninge met 'n laer sensitiwiteit te skep en te stoor, maar nie vir sensitiewe rekeninge soos administratiewe regte of bankdienste nie.
  • Gebruik 'n sterk wagwoord en tweefaktor-verifikasie om 'n wagwoordbestuurder te beveilig.
  • Verseker dat die wagwoordbestuurder van 'n veilige webwerf kom en dat dit gereeld opgedateer word
  • Moet nooit enige gratis wagwoordbestuurder of antivirus sagteware op jou rekenaar laai nie. Gebruik altyd een van die top 5 wat in die meeste internetsoektogte aanbeveel word. Lees baie artikels en bevestig dit wat jy lees in ander bronne. Moet nooit slegs op die inligting van een bron staatmaak nie.

Is dit veilig om die laaier van 'n ander skootrekenaar op jou skootrekenaar te gebruik?

billionphotos-1048608 My Klas - klasbestuur en e-Leer stelsel - Rekenaar en tegnologie nuusDie kort antwoord is: Nee. Jy moet nooit met opset 'n ander skootrekenaar se laaier op jou skootrekenaar gebruik nie. Dit maak nie saak of jy in die knyp is of jou battery op die punt staan ​​om leeg te raak nie. Die aansluiting van 'n ander laaier wat nie vir jou spesifieke model bedoel is nie, sal tot niks goeds lei nie. In werklikheid kan dit jou battery dadelik beskadig, indien nie, kan dit uiteindelik die batery of die laaimeganisme van die rekenaar vernietig. Noudat jy weet dat jy nie 'n laaier van 'n ander skootrekenaar op jou skootrekenaar moet gebruik nie, kyk ons ​​waarom nie. 

Kragvereistes

Alle skootrekenaars is nie dieselfde gemaak nie en hul kragvereistes ook nie. Sommige skootrekenaars benodig meer krag. Hul laaiers is gebou vir daardie spesifieke kragbehoefte. As jy 'n laaier gebruik wat nie genoeg krag lewer nie, of wat te veel krag aan 'n skootrekenaar verskaf, kan jy die battery onherstelbaar beskadig. Daar is ook die moontlikheid dat jy ander hardeware op u skootrekenaar kan beskadig.

Die batteryskade kan onmiddellik gebeur, of die skade kan uiteindelik opduik. Gewoonlik manifesteer dit in die vorm van die boodskap wat sê die rekenaar is ingeprop maar die batery kan nie laai nie..

Vervardigers spesifieke hardewarebillionphotos-755682-512x512 My Klas - klasbestuur en e-Leer stelsel - Rekenaar en tegnologie nuus

Verskillende skootrekenaarlaaiers is nie bedoel om uitgeruil te word nie. As jy 'n Dell-laaier vir skootrekenaars het en dit op 'n HP-skootrekenaar koppel, sal dit die battery beskadig. Dit maak nie saak of die laaier die regte hoeveelheid krag lewer nie, dit is nooit 'n goeie idee om laaiers van verskillende vervaardigers te meng nie, en die batterye kan dit dalk verwerp bloot omdat dit nie van 'n goedgekeurde vervaardiger is nie. Jy kan miskien daarmee wegkom as jy laaiers van dieselfde vervaardiger gebruik wat die regte hoeveelheid krag kan lewer, maar dit is 'n groot 'as'. Dit is die beste om aan die kant van versigtigheid te dwaal en dit te vermy. 

Goedkoop generiese laaierers

Sommige laaiers is goedkoop, terwyl ander heelwat kan kos. As jy die laaier van u skootrekenaar wil vervang, en 'n goedkoop generiese laaier koop, moet jy weet dat dit dieselfde is as die laaier van 'n ander handelsmerk, behalwe erger. Daar is geen manier om die kwaliteit van 'n generieselaaier te bepaal nie, en hoewel dit beweer dat dit 'n sekere hoeveelheid krag lewer, kan jy nie seker wees of dit wel werk nie. Bly weg. Spandeer die ekstra geld en kry 'n oorspronklike laaier, anders vervang jy jou battery binnekort. 

MacBooks

MacBooks is 'n ietwat uitsondering op hierdie reël. Jy kan waarskynlik een MacBook-laaier saam met 'n ander MacBook gebruik, mits daar aan die kragvereistes voldoen word, maar jy moet nooit 'n generiese laaier gebruik of 'n nie-Apple-laaier probeer gebruik nie. Jy gaan nie net jou battery beskadig nie, dit is moontlik dat jou waarborg ook ongeldig sal raak.

Leer kinders om die internet veilig te gebruik 

Die internet kan 'n wonderlike wêreld wees met bronne oor feitlik enige onderwerp. Dit is egter ook hier waar die internet se grootste gevaar lê. Die internet word nie gereguleer nie en enige iemand kan inligting op die internet plaas. Van hierdie inligting kan ongepas wees vir kinders. Ons as volwassenes weet wat die gevare is en hoe om dit te vermy. Dieselfde kan nie van 'n kind verwag word nie. Wanneer ons van kinders verwag om van die internet gebruik te maak sal ons as volwassenes hulle hiermee moet bystaan. Internet veiligheid

Alhoewel ek graag wil hê dat my leerders my webblad as hulpbron moet gebruik is dit ook vir my belangrik dat ouers die nodige stappe moet neem om die kinders se internet gebruik te reguleer.

Die meeste van ons neem stappe om ons internet gebruik so veilig as moontlik te maak. Die gebruik van goeie internet sekuriteit sagteware is in vandag se lewe amper nie meer onderhandelbaar nie. Dit is belangrik om bewus daarvan te wees dat nie alle antivirus en malware sagteware ewegoed is nie. Ek het al meer virusse van rekenaars met gratis antivirus sagteware verwyder as rekenaars met geen antivirus sagteware nie. Spandeer eerder ‘n paar rand en koop behoorlike sagteware.

Voor ek my keuse maak op die aankoop van Antivirus of malware sagteware spandeer ek baie tyd deur op bronne soos Google en YouTube te soek na "Top 5 Antivirus"  of "Top 5 Malware sagteware". Ek vergelyk gewoonlik verskeie lyste in die soek resultate en kyk dan hoeveel van hulle ooreenstem. Ek kyk ook of die sagteware 'n totale internet sekuriteit plan insluit wat beskerm teen antivirus, malware, ransomware asook "Zerodag" aanvalle. Verder kyk ek ook of die pakket sagteware beskikbaar het vir ‘n foon en ‘n tablet rekenaar.

As jy kinders het is dit natuurlik ook belangrik om te kyk of hulle sagteware beskikbaar het wat jy op jou kind se rekenaar, foon of tablet kan laai waarmee jy jou kind se internet gebruik kan beheer. Kaspersky se SafeKids is hiervoor baie oulik. Jy kan hiermee toegang tot sekere webblaaie gee en toegang tot ander weier. Jy kan ook die tye stel wat jou kind toegang tot die webblaaie mag hê en toegang tot die internet die res van die tyd heeltemal blok. Daar is heelwat soortgelyke programme maar ek is net vertroud met Kaspersky.

Op die internet is baie goed geskryfde artikels hoe jy jou kind kan veilig hou op die internet Volg gerus die skakel na so 'n artikel wat geplaas was in huisgenoot: Leer kinders veilig die internet gebruik

Een van die leerders in my klas het vir my laat weet dat hulle gebruik OurPact - OurPact is the most comprehensive parental control app and family locator, perfect for families of any sizes. Dit is soortgelyk aan Kaspersky se SafeKids.

Tegnologie in die klaskamer

Daar word baie vrae gevrae oor die gebruik van tegnologie in die klaskamer. Vir die rede ook het die skool 'n baie streng selfoonbeleid. Daar is soveel artikels wat gebasseer word op navorsing oor die impak wat tegnologie op kinders het? Daar word gesê dat die hedendaagse kind, meer visueel leer omdat hulle meer toegang tot tegnologie het en ook baie meer kundig in die gebruik daarvan is. Daarom moet die tradisionele manier van onderrig en leer hierby aanpas en is die doeltreffende gebruik van tegnologie vir innoverende onderrig en leer belangrik. Tegnologie in die klaskamer

So laat die gebruik van tegnologie in die klaskamer diversiteit in leertegnieke toe en is die leerders meer betrokke by die leerproses, juis omdat leer meer visueel is. Leerders kan konsepte nou beter visualiseer omdat tegnologie dit moontlik maak. En dit het tot gevolg dat hulle meer vrae vra, meer ontleed, probleme oplos en kritiese denke toepas. Sodoende kan tegnologie ’n belangrike hulpmiddel in onderrig wees. Maar help dit werklik vir breinontwikkeling, of maak dit juis die brein lui?

Dis so maklik om Google te raadpleeg. So hoekom dan nog enigsins feite probeer onthou? Indien tegnologie reg aangewend word, kan dit juis daartoe bydra dat leerders se breine sterker ontwikkel. Boonop word die onderwyser se werk verminder en is dit makliker om komplekse onderwerpe te behandel. Dit bly egter die onderwyser of fasiliteerder se verantwoordelikheid om toe te sien dat leerders tegnologie toepas maar steeds hulle brein oefen.

Die gebruik van tegnologie moet dus oordeelkundig wees. Daar moet 'n gesonde balaans wees en tegnologie moet gebruik word waar dit die beste hulpmiddel is om die leeruitkoms te bereik. Leerders se skermtyd moet deur ouers en onderwysers bestuur word om te voorkom dat leerders doelloos tyd op hulle toestelle bestee.

Bronne: Afrikaans.com

­